Die Nimmereindigende Storie

Op hierdie bladsy wil ek hĂȘ ons moet almal saamskryf aan 'n storie. Ons maak dit op soos ons gaan. Skryf enigiets wat jy dink inpas by die storielyn so ver, en maak 'n wending as jy wil. Kom loer later hoe ander die storie verder gevat het en las weer aan. Kom ons kyk hoe dit gaan.

My Photo
Name:
Location: Pietersburg, Limpopo, South Africa

Ek probeer twee blogs aan die gang hou. Die eerste is Die Herder, wat jou basies dagboek-tipe ding is en waar ek uitwei op dinge wat ons doen en sien. Ons praat oor alles war real is. Op Nimmereindigende Storie probeer ek mense sover kry om te help aan 'n in-situ storie. Ons maak dit op soos ons gaan. Elke persoon kan lees en byskryf en maak met die storie soos hy of sy wil. Dalk draai dit goed uit, dalk is dit kettings en kettings onsamehangende onsin. Kom ons kyk.

Wednesday, July 12, 2006

Hoofstuk 1 (author M. Shepherd)

Eendag lank lank gelede, kan Willie soort van onthou, was hy laas behoorlik nugter. Die afgelope klompie jare het net soort van weggeglip uit sy beheer.

Hy kan nie eers onthou presies hoekom dit gebeur het nie. Was dit toe sy vrou weggeloop het met die vet Griek, of toe sy hond verstik het aan sy pantoffel en na sewe uur se lyding die tydelike met die ewige verwissel het, of was dit miskien toe hy in 'n oomblik van absolute woede 'n netjiese stoelgang op sy baas se lessenaar gelos het?

Hy kan nie presies onthou nie, maar hy weet iewers het iets skeefgeloop. As hy nou so sit en staar na sy ingroei-toonnael, dan begin hy onwillekeurig dink dat daar iets beter moet wees daar buite. Iewers moet daar 'n pad wees met meer sonskyn, meer Cabernet, meer Brazilian-cuts, meer koedoe-leer sitkamerbanke en minder puisies, minder Juanita, minder tou-staan en minder hangtieties.

En toe, asof vansself, tref 'n idee hom soos daai rugbybal wat ou Alwyn destyds nog in die ref se agterkop vasgeskop in die interskole wedstryd: Hy moet nou opstaan, sy flat bier neersit, by die deur uitloop, in sy bakkie klim en daai pad gaan soek. Daai sonskyn pad is syne, en klaar.

0 Comments:

Post a Comment

<< Home